《盡情頹廢吧！負能量很有益》
頹。大家都會頹，都會唔開心。
呢個時候人哋就會話：「唔好唔開心啦～」
先唔討論一個人係咪聽完呢句話就會精神爽利開心番曬，其實負面情緒，都有佢嘅價值。
.
有效宣洩負面情緒，對我哋心理健康有好處就係人都知㗎啦，因為收收埋埋抑壓住，反而更大壓力、諗得仲多 (Garland, 2012)
.
但唔止咁簡單，其實已經有唔少研究顯示，負面情緒係會帶來實際好好處！Forgas (2013) 已經講咗，好多研究發現有負面情緒，反而可以提升記憶力、減少判斷錯誤、增加積極性等，總之就係，可以令你成為更勁嘅人！
.
甚至有研究發現，唔開心，係會令你身體健康😂😂 少啲身體病痛，長遠嚟講身體冇咁易衰弱 (Hershfield et al., 2013)
.
其實仲有好多，真係講都講唔曬⋯
所以，大家都需要適量嘅頹，千祈唔好抑壓自己，亦唔好覺得有負能量係一件錯事。當然，如果法國負面到無法理性諗嘢，成日唔開心對世事失去興趣，困擾咗半個月咁嘅話，記得要去尋求心理治療，因為你可能患咗抑鬱症（或其他心理問題）！
.
大家一齊放負吧！但放一陣好啦～
_
P.s. 唔知點解用中文睇啲咁學術嘅文章好偽科學feel, 但以上真係我自己搵嘅reference, 真科學真心理嚟㗎🤦🏻♀️
_
Search